Knut Djupedal
Knut Djupedal og Stad bibliotek avdeling Selje inviterer til boklansering.
Knut Djupedal presenterer si nye bok "A novel sight: the Restauration sails to America". Boka omhandlar overfarten til det vesle skipet Restauration i 1825, ei sjøreise som ofte blir sett på som starten på den norske utvandringa til oversjøiske land. 52 personar var ombord, og desse emigrantane har i ettertid fått namnet "sluppefolket", avleia av namnet på denne typen skip - sluppar.
Boka tek føre seg den fyrste organiserte utvandringa frå Noreg til Amerika, herunder førebuingane i Noreg våren 1825, ferda over Atlanterhavet, ankomsten i New York City og skipet si vidare historie våren 1826. Den innheld også ei liste over mannskap og passasjerar og andre tillegg om dette berømte fartøyet. Boka er utgjeven i anledning 200 års-markeringa av den norske utvandringa til oversjøiske land. Forfatter er Knut Djupedal, tidlegere direktør ved Norsk Utvandrermuseum, no busett i Selje.
Innbundet, engelsk tekst, 196 sider, 75 illustrasjonar.
Utgjeven på Fønix forlag.
ISBN 978-82-8387-048-0
- 1/1
