Ann Irene Sem-Henriksen, styre- og dagleg leiar i foreininga "Restaurationens Venner" vil halda tale og leggja ned ein blomkrans ved Marta sin bauta på Eide på Fogn. Bautaen vart reist av "Marta sine vener" i 2017. Det går ferje frå Judaberg kl 13.50
Marta vart født på Eide på Fogn i 1803 og døyde i USA 1887. Ho gifta seg med Lars Larsen Geilane. Lars vart nærast å rekna for skipper på sluppen "Restauration" då ho drog frå Stavanger 4. juli 1825 med , 52 personar ombord og kurs for USA og von om eit betre matrielt og åndeleg liv. Marta var høg-gravid då sluppen tok fatt på amerikaferda, for 2. september fødte ho dottera Margaret Allen. Såleis vart det 53 personar som kom til New York 9. oktober, etter nesten 100 døger til havs.